2021 වර්ෂය සඳහා පාසල් නැවත විවෘත කිරීම - පුත්තලම දිස්ත්‍රික්කය

කෝවිඩ් 19 වසංගත තත්වය යටතේ 2021 වර්ෂය සඳහා පාසල් විවෘත කිරීමට පෙර සුදානම පිළිබඳව සාකච්ඡාවක් පසුගිය දා (17.10.2021) වයඹ පාළාත් ආණ්ඩුකාරවර  අධිනීතිඥ රාජා කොල්ලුරේ මහතාගේ ප්‍රධානත්වයෙන් පුත්තලම ප්‍රාදේශීය ලේකම් කාර්යාල ශ්‍රවනාගාරයේ දී පැවැත්විණ.

දරුවන් දෙසියයට අඩු පුත්තලම  අධ්‍යාපන කලාපය තුළ පාසල් 95ක් හා හලාවත අධ්‍යාපන කලාපය තුළ පාසල් 60ක් ඔක්තෝබර් මස 21 දින නැවත ආරම්භ කිරීම සඳහා පෙර සූදානම පිළිබඳව මෙහිදී සාකච්ඡා කළේය.

මේ වන විට ක්‍රියාත්මක ගුරුභවතුන්ගේ වෘත්තීය ගැටළුකාරි තත්වය හේතුවෙන් හලාවත අධ්‍යාපන කලාපයේ කොට්ඨාශ කිහිපයක පාසල් ආරම්භ කිරීමේ පෙර සූදානමෙහි ගැටළු සහගත තත්වයක් ඇති බව මෙහිදි අනාවරණය විය. එහෙත් පාසල් 140කට වැඩි  සංඛ්‍යාවක අවට පරිසරය පිරිසිදු කිරීම හා පංතිකාමර සුදුසු පරිදි සකස් කිරිම  මේ වන විට සාර්ථකව සිදුවෙමින් තිබේ. දිස්ත්‍රික්කයේ දෙසියයට අඩු දරුවන් සිටින මුළු පාසල් සංඛ්‍යාව 155කි.

මෙම අවස්ථාවට  පුත්තලම දිස්ත්‍රික් ලේකම් කේ.ජි.විජේසිරි මහතා, දිස්ත්‍රික් සම්බන්ධීකරණ කමිටු සභාපති පාර්ලිමේන්තු මන්ත්‍රි අශෝක ප්‍රියන්ත මහතා, රාජ්‍ය අමාත්‍ය සනත් නිශාන්ත මහතා, පාර්ලිමේන්තු මන්ත්‍රි චින්තක අමල් මයාදුන්නේ මහතා, පාර්ලිමේන්තු මන්ත්‍රි අලි සබ්‍රි මහතා , වයඹ පළාත් ප්‍රධාන ලේකම් පි.බි.එම්.සිරිසේන මහතා  ආණ්ඩුකාර ලේකම් නිතිඥ කමල් අමරසිංහ මහතා, වයඹ ප්‍රධාන අමාත්‍යාංශ ලේකම් ආර්.එම්.ආර්.එම්.රත්නායක මහත්මිය, පළාත් අධ්‍යාපන අධ්‍යක්ෂ කේ.එස්.ජයලත් මහතා ඇතුළු රාජ්‍ය නිලධාරින් රැසක් සහභාගී වූහ.

1  6

3  9